ሀገር ሚያሻግሩ 3 የልማት አምዶች!

የኢትዮጵያ መንግሥት ላለፉት ዓመታት የወሰዳቸው እርምጃዎች፣ የኢኮኖሚ ጥንካሬን ከዴሞክራሲያዊ ምህዳር መስፋፋትና ከአዎንታዊ የዓለም አቀፍ ገጽታ ግንባታ ጋር ለማጣመር የተደረገ ጥረት ሲሆን ይህ የለውጥ ጉዞ ለቀጣይ የሀገሪቱ ዕድገት ወሳኝ ምዕራፍ ነው።

የመጀመሪያው የኢኮኖሚና ማህበራዊ ልማት፣ ከእድገት ወደ ጥራት

የሀገር አቀፍ ልማት በከፍተኛ ፍጥነት እየተከናወነ መሆኑን የሚያሳዩት እርምጃዎች፣ የኢኮኖሚ ዕድገቱን ከመጠን (Quantity) ወደ ጥራት (Quality) ለማሸጋገር ያለመ ነው።

የቱሪዝም ዘርፍ እንደ ዋና የገቢ ምንጭ መታየቱ፣ ከግብርናና ከኢንዱስትሪ ጎን ለጎን የገቢ ምንጮችን ማስፋፋት (Economic Diversification) ያሳያል።

እንደ “ጎርጎራ ፕሮጀክት” እና ሌሎች የከተማ ውበት ያሉ የመሠረተ ልማት ግንባታዎች የሀገሪቱን ገጽታ ከመቀየራቸው ባሻገር፣ ለስራ ዕድል ፈጠራና ለግል ኢንቨስትመንት እድገት አበረታች ናቸው።

የከተማ ልማት ፕሮጀክቶች

በትላልቅ ከተሞች የሚካሄዱ የልማት ፕሮጀክቶች፣ የሕዝብን የኑሮ ጥራት ማሻሻልና የአካባቢን ንጽህና ከማረጋገጥ አንፃር ወሳኝ ናቸው። እነዚህ በከተሞች ልማት ላይ የሚደረጉ ኢንቨስትመንቶች የኢትዮጵያን የከተሜነት ዕድገት (Urbanization Rate) ለመደገፍ ያለሙ ናቸው።

መሠረታዊ የልማት ስራዎች

የኢኮኖሚው አቅም የሚለካው በጠቅላላ ምርት (GDP) ብቻ ሳይሆን፣ እነዚህን የማህበራዊና የመሠረተ ልማት ግንባታዎችን በማጠናከር የረጅም ጊዜ ዕድገት መሠረት በመጣል ጭምር ነው።

ሁሉተኛው ፖለቲካዊ መድረክ

ዴሞክራሲያዊ ምህዳር ማስፋትና እና የዜጎች ተሳትፎ ማጎልበት

መንግሥት በፖለቲካዊ መረጋጋት ረገድ የወሰዳቸው እመርታዊ እርምጃዎች፣ ከብዙ ተግዳሮቶች በኋላ የፖለቲካ ምህዳሩን ለማስፋትና ዴሞክራሲን ለማጠናከር የተደረጉ ጥረቶች ናቸው።

ዴሞክራሲያዊ ምህዳር ማስፋት

መሰረታዊ ዴሞክራሲ መርሆች የሆኑትን የዜጎች የመሰብሰብ፣ የመናገርና የመደራጀት መብቶችን ማክበር፣ የተፎካካሪ ፓርቲዎች እንዲሳተፉ መጋበዝና ምቹ ሁኔታዎችን መፍጠር ለረጅም ጊዜ ዘላቂ የሆነ የፖለቲካ መረጋጋት ለመፍጠር ወሳኝ ነው።

የዜጎች ተሳትፎ ማሳደግና ማጠናከር

ዜጎችን በመንግሥት የፖሊሲ ውሳኔዎች ማሳተፍና ግልጽነትና ተጠያቂነትን ከማምጣትም በላይ የሕዝብና የመንግሥት መተማመን እንዲጎለብት ይረዳል። ወሳኝ በሆኑ በሀገራዊ ጉዳዮች ላይ የጋራ መግባባትና የሀሳብና የተግባር አንድነት በመፍጠር ለዲሞክራሲ ስርአት እድገት ከፍተኛ አስተዋጽኦ ያደርጋል ።

የፖለቲካ መረጋጋትፖለቲካዊ መረጋጋት የውጭ ኢንቨስትመንትን ለመሳብ፣ የልማት ሥራዎችን ያለመስተጓጎል ለመቀጠል እንዲሁም በፈጣን የለውጥ ኡደት ውስጥ በሚገኛው አለማቀፋዊ ሁኔታ ብቅ ተወዳዳሪ በመሆን እሴት ለማፍራትና ምቹ ሁኔታ በመፍጠር ለሀገራዊ አንድነት ወሳኝና የማይተካ ሚና ይጫወታል።

ሶስተኛው ዲፕሎማሲያዊ ግንኙነትና አገራዊ ገጽታ ግንባታ

ከውስጥ ለውጥ ጋር የተሳሰረ ዲፕሎማሲ

ዲፕሎማሲያችን የአገራችንን ገጽታ በአዎንታዊ መልኩ መገንባትና የሚያጋጥሙንን ውስጣዊ ችግሮችና የሰብዓዊ መብት ጉዳዮችን ግልጽ በሆነ መንገድ በመፍታት፣ አዎንታዊ ትረካ (Positive Narrative) መገንባት ላይ ትኩረት ያደረገ መሆኑ ይታወቃል።

ዓለም አቀፍ ግንኙነቶችን ማጠናከር፣ ከቀጠናዊ ስትራቴጂያዊ አጋሮች (እንደ ጅቡቲ፣ ኬንያ፣ ሳዑዲ ዓረቢያ ያሉ) ሀገራት ጋር ያለንን የኢኮኖሚና የፀጥታ ትስስር ማጠናከር፣ እንዲሁም ከዓለም አቀፍ ተቋማት (IMF, World Bank) ጋር የገንዘብና የቴክኒክ ድጋፍ ለማግኘት በትጋት በመስራት እንዲሁም

በዓለም አቀፍ ግንኙነቶች ውስጥ ከኃያላን ሀገራት ጋር ሚዛናዊና በጋራ ጥቅም ላይ የተመሰረተ ግንኙነት በመፍጠር፣ ሉዓላዊ ውሳኔዎችን የማሳለፍ አቅም በማዳበር ላይ ይገኛል።

የኢትዮጵያ የልማት ጉዞ በኢኮኖሚው ዘርፍ የቱሪዝምና የከተማ ልማትን በማነቃቃት፣ በፖለቲካው ዘርፍ ደግሞ የዴሞክራሲያዊ ተሳትፎን በማስፋት ላይ ያተኮረ ነው።

ይህ ባለሶስት ምሰሶ ስትራቴጂ የብሔራዊ ብልጽግናን ዕድል እውን ለማድረግ የተሻለ ነገን የሚፈጥር ቁልፍ አካሄድ ነው።