ምድረ ቀደምቷ ኢትዮጵያ ታሪኳን ለዓለም የምታስተዋውቅበት ይፋዊ ድረ-ገጿን ይፋ አደረገች
ዓለም ከስሟ ባሻገር እንቁ ታሪኳን በሙሉ ጠንቅቆ ያላወቀላት ኢትዮጵያ፤ ዛሬ ታሪኳን በራሷ ድምፅና በራሷ ብዕር ለዓለም ታስተዋውቃለች። ይፋዊው የኢትዮጵያ ብሔራዊ ድረ-ገጽ ዛሬ ይፋ ሆኗል!
ቡናን ከጫካዎቿ አፍልቃ ለዓለም ስጦታ ያበረከተች፣ የቡና ትውልድ ሀገር ኢትዮጵያ። የሰው ዘር የመጀመሪያ እርምጃውን የጀመረባትና አየሯን እስትንፋስ አድርጎ የተነፈሰባት ኢትዮጵያ። በአረንጓዴ ዐሻራ፣ በሕዝቦቿ እጆች ዳግም እየለመለመች ያለች ምድር፤ ኢትዮጵያ። ወንዞቿን፣ ነፋሷንና ፀሐይዋን ወደ ኃይል ቀይራ ከራሷም አልፋ ለጎረቤቶቿ ብርሃን የሆነች ኢትዮጵያ። ከተሞቿ በአዲስ ውበት እያበቡ በልባቸውም የአፍሪካን አዲሷን አበባ ታቅፈው የያዙ ኢትዮጵያ። አፍሪካውያን የጥቁር ሕዝቦችን ዘመን ተሻጋሪ ኩራትና ወኔ በፓን-አፍሪካዊ አንድነት ድምፅ ለመግለጽ የሚተሙባት ኢትዮጵያ። ጥንታዊ ሥልጣኔዋን ዛሬም በድንጋዮቿ፣ በፊደሎቿ፣ በዜማዎቿና በፕሮጀክቶቿ ሕያው አድርጋ የምታኖር ኢትዮጵያ። ሯጮቿም የድል መንፈሷን ከትውልድ ትውልድ እያስተላለፉ፣ በዓለም የድል መድረኮች የምታበራ ኢትዮጵያ!
ወደ ኮፕ32 በሚደረግ ታሪካዊ ጉዞ ይህ ድረ-ገጽ ከታሪካችን እስከ ዛሬ እርምጃችን፣ ከሥልጣኔያችን እስከ የወደፊት ርዕያችን ድረስ ያለውን የኢትዮጵያን ሉዓላዊነት፣ ሀብትና ተስፋ ለዓለም የምናቀርብበት መድረክ ነው። ምድረ ቀደምትነቷን ይወቁ፤ የኢትዮጵያን ታሪክ ይመስክሩ!
ማስፈንጠርያ: https://ethiopia.gov.et/
ምድረ ቀደምት፤ ኢትዮጵያ 
#ኢትዮጵያ#LandOfOrigins#COP32Ethiopia
